Начальные молитвы:
Царю небесный, Утешителю, Душе истины. Иже везде сын и вся исполняй, Сокровище благих и ижзни Подателю, прииди и вселися в ны, и очисти ны от всякия скверны, и спаси, Блаже, души наша.
Трисвятие:
Святый Боже, Святый Крепкий, Святый Бессмертный, помилуй нас. (Читается трижды, с крестным знамением и поясным поклоном). Слава Отцу и Сыну и Святому Духу, и ныне и присно, и во веки веков. Аминь.
Молитва ко Пресвятой Троице:
Пресвятая Троице, помилуй нас; Господи, очисти грехи наша;
Владыко прости беззакония наша; Святый, посети и исцели немощи наша, имене Твоего ради.
Господи, помилуй (трижды). Слава Отцу и Сыну и Святому Духу, и ныне, и присно, и во веки веков. Аминь.
Окончание молитв:
Достойно есть яко воистину блажити Тя Богородицу, Присноблаженную и Пренепорочную, и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем. Слава, и ныне: … Господи, помилуй… (трижды) Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых помилуй нас. Аминь.
Отче наш:
Отче наш, Иже еси на небесех! да святится имя Твое, да приидет Царствие Твое, да будет воля Твоя, Яко на небеси, и на земли.
Хлеб наш насущный даждь нам днесь, и остави нам долги наши, якоже и мы оставляем должникам нашим: и не введи нас во искушение, но избави нас от лукавого.
Символ Веры:
Верую во единого Бога Отца, Вседержителя, Творца небу и земли, видимым же всем и невидимым. И во единого Господа Иисуса Христа, сына Божия, Единородного, Иже от Отца рожденного прежде всех век; Света от Света, Бога истинна от Бога истинна, рожденна, несотворенна, единосущна Отцу, Им же вся быша.
Нас ради человек и нашего ради спасения сшедшего с небес и воплотившагося от Духа Свята и Марии Девы, и вочеловечшася. Распятого же за ны при Понтийстем Пилате, и страдавша, и по-гребенна.
И воскресшаго в третий день по Писанием. И возшедшаго на небеса, и седяща одесную Отца. И паки грядущего со славою судити живым и мертвым. Его же Царствию не будет конца. И в Духа Святаго, Господа, Животворящего, Иже от Отца исходящего, Иже со Отцем и Сыном споклоняема и сславима, глаголившаго пророки.
Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века, Аминь.
Молитва за Отечество:
Спаси, Господи, люди Твоя и благослови достояние Твое, победы благоверным людям на сопротивныя даруя, и Твое сохраняя крестом Твоим жительство.
Молитва Ангелу Хранителю:
Ангеле Божий, хранителю мой святый, на соблюдение мне от Бога с небесе данный, прилежно молю тя: ты мя днесь просвети и от всякого зла сохрани, ко благому деянию настави и на путь спасения направи. Аминь.
Молитва святому, имя которого носишь:
Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о душе моей.
Перед началом всякого доброго дела:
Творче и Создателю всяческих Боже, дела рук наших, к славе Твоей наичнаемая, Твоим благословением исправи, и нас избави от всякого зла, яко Един всесилен и человеколюбец.
Перед обедом:
Отче наш, Иже еси на небесех! да святится имя Твое, да приидет Царствие Твое, да будет воля Твоя, Яко на небеси, и на земли.
Хлеб наш насущный даждь нам днесь, и остави нам долги наши, якоже и мы оставляем должникам нашим: и не введи нас во искушение, но избави нас от лукавого.
Слава Отцу и Сыну и Святому Духу и ныне, и присно, и во веки веков. Аминь. Господи помилуй… трижды. Благослови. Молитвами святых отец наших, Господи Иисусе Христе, Боже наш, помилуй нас. Аминь.
Перед ужином и перед лёгким перекусом:
Очи всех на Тя, Господи уповают, и Ты даеши им пищу во благовремении, отверзаеши Ты щедрую руку Твою и исполняеши всякое животно благоволения.
Слава Отцу и Сыну и Святому Духу и ныне, и присно, и во веки веков. Аминь. Господи помилуй… трижды. Благослови. Молитвами святых отец наших, Господи Иисусе Христе, Боже наш, помилуй нас. Аминь.
После еды:
Благодарим Тя, Христе Боже наш, яко насытил еси нас земных Твоих благ: не лиши нас и Небеснаго Твоего Царствия. Но яко посреди учеников Твоих пришел еси, Спасе, мира дая им, прииди к нам и спаси нас.
Слава Отцу и Сыну и Святому Духу и ныне, и присно, и во веки веков. Аминь. Господи помилуй… трижды. Благослови. Молитвами святых отец наших, Господи Иисусе Христе, Боже наш, помилуй нас. Аминь.
Молитва Святого Макария Великого (вторая):
Господи, Боже наш, еже согреших во дни сем словом, делом и помышлением, яко благ и человеколюбец прости ми: мирен сон и безмятежен даруй ми: Ангела Твоего хранителя посли, покрывающа и соблюдающа мя от всякаго зла. Ты еси хранитель душам и те лесем нашим, и Тебе славу возсылаем Отцу и Сыну и Святому Духу, ныне и присно, и во веки веков. Аминь.
Молитва перед причастием:
Верую, Господи, и исповедую яко Ты еси воистину Христос Сын Бога живаго, пришедший в мир грешным спасти, от них же первый есмь аз. Еще верую, яко сие самое Пречистое Тело Твое, и сия есть самая Честная Кровь Твоя. Молюся убо Тебе: помилуй мя и прости прегрешения моя, вольныя и невольныя, яже словом, яже делом, яже ведением и неведением: и сподоби мы неосужденно причаститися Пречистых Твоих Таинств во оставлении грехов ив жизнь вечную.
Вечери Твоея тайныя днесь, Сыне Божий, причастника мя прийми: не бо врагом Твоим тайну повем, ни лобзания Ти дам яко Иуда, по яко разбойник исповедаю Тя: помяни мя, Господи, вo Царствии Твоем.
Девять заповедей блаженства (Блажены):
Блажени нищие духом, яко тех есть Царство Небесное.
Блажени плачущие, яко тии утешатся.
Блажени кротции, яко тии наследят землю.
Блажени алчущий и жаждущие правды, яко тии насытятся.
Блажени милостивии, яко тии помилованы будут.
Блажени чистый сердцем, яко тии Бога узрят.
Блажени миротворцы, яко тии сынове Божий нарекутся.
Блажени изгнани правды ради, яко тех есть Царство Небесное.
Блажени есте, егда поносят вам и изженут, и рекут всяк зол глагол на вы сжуще Мене ради.
Радуйтеся и веселитеся, яко мзда ваша многа на небесах.
СИМ ПОБЕЖДАЙ!
Семь смертных грехов
1.Гордыня
2. Зависть
3. Гнев
4. Леность
5. Алчность
6.Чревоугодие
7. Сладострастие
Десять заповедей божьих
- Верь в единственного Бога
- Не создавай себе кумиров
- Не произноси имени Бога понапрасну
- Помни о выходном дне
- Почитай своих родителей
- Не убивай
- Не прелюбодействуй
- Не кради
- Не лги
- Не завидуй
Духовная основа казака молитвы православия в традиции христиан
Молитвы русского казака:
Господи Сил, с нами буди! Верую, Господи, и исповедую, яко Ты еси [воистину] Христос, Сын Бога Живаго, пришедый в мир грешныя спасти, от них же первый есмь аз. Еще верую, что по неизреченной милости Твоей Ты простишь прегрешения наши и гнев Твой праведный претворишь в милость и святой вере нашей Христовой не дашь погибнуть от козней антихриста и возвеличишь ее по всей земле. Воскреси нашу милую мать-Родину, во имя праведников Твоих, по высшей любви к ближним положивших жизнь и душу свою за други своя. Ей, Господи! Возврати русскому народу разум и сердце, которые Ты отнял у него, когда захотел наказать. Усердно молю Тебя: да воскреснет Бог в сердце и уме русского народа и да расточатся врази его!
Спасе мой, Господи Иисусе Христи, в руце твои, придаю дух мой. Ти ж мя благослави, Ти помилуй и живот вечный даруй ми! Ти положил за нас душу Свою, чтобы спасти нас. Ты заповедал и нам полагать души своя за друзей наших, за близких нам. Радостно иду я исполнить святую волю Твою и положить жизнь свою за Отчизну свою. Вооружи меня крепостию и мужеством на одоление врагов наших и даруй мне умереть с твёрдой верою и надеждою вечной блаженной жизни в Твоём царстве.
Молитва Кресту Господню.
Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго и поправшаго силу диаволю, и даровавшаго нам тебе Крест Свой Честный на прогнание всякаго супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.
Господи Сил, с нами буди! Десницей Твоей крепче булата соедини Всероссийское казачество! Пусть Тихий Дон и Яик, Бурный Терек, Кубань
Многоводная, Астраханское и Оренбургское Войска, и за Уральским хребтом, за рекой Иртышом — все братское казачество в полном единении со всем русским народом, с мечом в руке, с крестом на груди, в едином могучем порыве сокрушит главу змия-диавола и великому русскому народу укажет высокий его жребий!
Из пс. 67. Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут грешницы от лица Божия; а праведницы да возвеселятся. Господь Бог благословен, поспешит нам Бог спасений наших… Той даст силу и державу людем Своим. Аминь.
Пс. 90: Живый в помощи Вышняго, в крове Бога Небеснаго водворится. Речет Господеви: Заступник мой еси и Прибежище мое, Бог мой, и уповаю на Него. Яко Той избавит тя от сети ловчи, и от словесе мятежна, плещма Своима осенит тя, и под криле Его надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи во тме преходящия, от сряща, и беса полуденнаго. Падет от страны твоея тысяща, и тьма одесную тебе, к тебе же не приближится; обаче очима твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло, и рана не приближется телеси твоему, яко Ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою; на аспида и василиска наступиши, и попереши льва и змия. Яко на Мя упова, и избавлю и; и покрыю и, яко позна имя Мое. Воззовет ко Мне, и услышу его: с ним есмь в скорби, изму его и прославлю его, долготою дней исполню его, и явлю ему спасение Мое.
От стиха пророческа:
С нами Бог, разумейте, языцы, и покаряйтеся:
Яко с нами Бог.
Услышите до последних земли:
Яко с нами Бог.
Могущии, покаряйтеся:
Яко с нами Бог.
Аще бо паки возможете, и паки побеждени будете:
Яко с нами Бог.
И иже аще совет совещаваете, разорит Господь:
Яко с нами Бог.
И слово, еже аще возглаголете, не пребудет в вас:
Яко с нами Бог.
Страха же вашего не убоимся, ниже смутимся:
Яко с нами Бог.
Господа же Бога нашего, Того освятим, и Той будет нам в страх:
Яко с нами Бог.
И аще на Него надеяся буду, будет мне во освящение:
Яко с нами Бог.
И уповая буду на Него и спасуся Им:
Яко с нами Бог.
Се аз и дети, яже ми даде Бог:
Яко с нами Бог.
Людие ходящии во тме видеша свет велий:
Яко с нами Бог.
Живущии во стране и сени смертней, свет возсияет на вы;
Яко с нами Бог.
Яко Отроча родися нам, Сын, и дадеся нам:
Яко с нами Бог.
Егоже началство бысть на раме Его:
Яко с нами Бог.
И мира Его несть предела:
Яко с нами Бог. И нарицается имя Его велика совета Ангел:
Яко с нами Бог.
Чуден Советник:
Яко с нами Бог.
Бог крепок, Властитель, началник мира:
Яко с нами Бог.
Отец будущаго века:
Яко с нами Бог.
С нами Бог, разумейте, языцы, и покаряйтеся:
Яко с нами Бог.
Слава Отцу и Сыну и Святому Духу.
С нами Бог, разумейте, языцы, и покаряйтеся:
Яко с нами Бог.
С нами Бог, разумейте, языцы, и покаряйтеся:
И ныне, и присно, и во веки веков. Аминь.
Яко с нами Бог.
Ты с нами, Господи! С нами Бог! Да уразумеют народы, что Ты с нами! С Тобой страха не имеем, смерти не страшимся! С Тобой единицы нас будут гнать тысячи врагов, а десятки — тьмы их! Даруй единомыслие и согласие вождям нашим и даруй нам скорую, решительную и бескровную победу! Да вознесется тогда к престолу Твоему из миллионов братских сердец могучее и радостное песнопение: «Слава в вышних Богу и на земли мир, в человецех благоволение. Осанна в вышних!». Спаси, Господи, сохрани и помилуй наши семьи, оставшиеся беззащитными и бесприютными, раздетыми, разутыми и голодными! Даруй нам с честью вернуться на свою Родину и благослови наш мирный труд, а черную гору насилия и всякого беззакония ввергни в пучину морскую! Помоги же нам, Господи, спаси Родину и озари нас лучом милости Твоей и счастья! Да не в суд и не в осуждение будет мне ратный подвиг мой, но в возрождение Великой России и не во вред, а на пользу содружеству великих и малых народностей! Аминь.
Господи Сил, Боже мой, не на разбой и грабеж я поднял меч свой, не на обиду и притеснение слабых и угнетенных предпринял великий ратный подвиг мой, но в твердой вере в правоту великого дела — отстаивания святости и неприкосновенности жизни человека, его религии и убеждений, его достояния и права на свободный и любимый труд и плоды его, дабы привольно и радостно и по Закону Божьему жилось и сильному и слабому, и казаку и крестьянину, и труженику и всякому на всей обширной земле его! И не зло, не зависть, но мир и любовь и единение да царствуют среди сынов России!
Молитвы русского казака перед началом сражения:
Господи, Спасе мой, Иисусе Христи, в руце твои, в волю Твою, придаю дух мой, благослави, мя и помилуй и живот вечный даруй ми! Яко Ти положил душу Свою за нас, чтобы спасти нас. Ты заповедал и нам полагать души други своя, за близких наших нам. Радостно иду я исполнить святую волю Твою и положить жизнь свою за Отчизну свою.
Господи, Спасе мой, Иисусе Христе, Вооружи меня крепостию и мужеством на одоление врагов наших и даруй мне умереть с твёрдой верою и надеждою вечной блаженной жизни в Твоём царстве. Мати Божия! Сохрани меня под кровом Твоим, буди ми Нерушимой Стеной Твоей.
Молитва перед битвой 1-я.
Боже крепкий, в руце Своей содержай судьбы человеков! Не помяни грехов моих, и укрепи мя свыше силою Твоею на супротивныя нам. Даруй ми бодр ум и сердце безтрепетно, да страха их не убоюся ниже смущуся, но в сени священных хоругвей воинства нашего пребуду верен воинской клятве моей до конца. Во имя Твое, Господи, гряду, и да будет воля Твоя.
Пресвятая Богородице, спаси нас!
Святый Архистратиже Михаиле, споборствуй нам!
Святый Ангеле хранителю, не отступи от мене!
Вси святии, молите Бога о нас!
Молитва 2-я св. мученика Феодора Стратилата
Господи Боже всесильный, всех уповающих на милость Твою не оставляяй, но защищаяй их! Буди мне милостив и соблюди мя от прелести вражия Твоим защищением, да не паду пред сопротивниками моими, и да не порадуется враг мой о мне. Предстани мне, Спасителю мой, в подвиге сем за имя Твое святое. Ты мя укрепи и утверди и подаждь силу стати мужественно за Тя до крове и положити душу мою по любви к Тебе, якоже и Ты, возлюбив нас, положил еси на Кресте душу Свою за нас. Аминь.
Молитва 3-я св. Архистратигу Божию Архангелу Михаилу
Святый и великий Архистратиже Божий Михаиле, ниспровергий с небесе диавола и воинство его! К тебе с верою прибегаем и тебе с любовию молимся, буди щит несокрушим и забрало твердо Святей Церкви и православному Отечествию нашему, ограждая их молниеносным мечем твоим от всех враг видимых и невидимых. Буди Ангел хранитель, наставник премудр и споспешник предводителем нашим. Буди вождь и соратай непобедимь христолюбивому воинству нашему, венчая его славою и победами над супостаты, да познают вси противляющиися нам, яко с нами Бог и святии Ангелы Его. Аминь.
Молитва 4-я Небесным Силам
Тропарь, глас 4
Небесных воинств Архистратизи, молим вас присно мы недостойнии, да вашими молитвами оградите нас кровом крил невещественныя вашея славы; сохраняюще нас, припадающих прилежно и вопиющих: от бед избавите нас, яко чиноначальницы вышних Сил.
Кондак, глас 2
Архистратизи Божии, служителие Божественныя славы, Ангелов начальницы и человеков наставницы, полезное нам просите и велию милость, яко Безплотных Архистратизи.
Молитва перед сражением.
Спаситель мой! Ты положил за нас душу Свою, дабы спасти нас; Ты заповедал и нам полагать души свои за други наша и за ближних наших. Радостно иду я исполнити святую волю Твою и положити жизнь свою за Царя и Отечество. Вооружи мя крепостию и мужеством на одоление врагов наших, и даруй ми умрети с твердою верою и надеждою вечной блаженной жизни во Царствии Твоем.
Молитва Кресту Господню.
Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго и поправшаго силу диаволю, и даровавшаго нам тебе Крест Свой Честный на прогнание всякаго супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.
Молитва против супостатов.
Господи Боже наш, услышь мя, простерша к Тебе руце, и люди Твоя укрепи, ополчивый на брань и повелевый солнцу стати: Ты и ныне, Владыко Господи, услыши нас, молящихся Тебе. Посли, Господи, невидимо десницу Твою, рабы Твоя заступающую во всех, а имже судил еси положити на брани души своя за веру, соборность и Отечество, тем прости согрешения их, и в день праведнаго воздания Твоего воздай венцы нетления: яко Твоя Держава, Царство и Сила, от Тебе помощь вси приемлем, на Тя уповаем, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Молитвы русского казака перед началом боя (за миги):
Команда — старший из казаков «Шапки на молитву долой» и все казаки обращались к Богу с молитвой, суть которой в придании на Волю Бога их жизни. Как говорили предки моего рода казачьего — «в сердце: тихая грусть и смерть весёлая, свечи ставятся всем святым, эх, казак, отступать не положено, так умирать тебе молодым»…
Казаки перед боем обязательно молились Спасителю. Эта молитва была отходная, т.е. казаки молитвой как бы отдавали свою жизнь на Волю Бога.
Предначалие молитвословию:
«Господи, я буду шептать, Боже мой, а Ти, мя спасать, Спас мира, Спас Нерукотворный, Спас в Силах…»…
Молитвы русского казака во время битвы:
Спасе, в руце Твои, Господи Иисусе Христе, Боже мой, предаю дух мой: Ты мя помилуй и живот вечный даруй ми. Аминь.
Господи, Боже мой, в Един Троице Пресвятой, да будет воля Твоя и царствие Твое, яко на небеси и земли и в ми, Сам мной правь води мною.
Господи Сил, с нами буди, Спас в силах, иного бога разве Тебе помощника в скорбех не имамы, Господи Сил, помилуй нас! Христос воскресе, воистину воскресе!…
Господи, Боже мой, небесная и страшная и святых Твоих, Христе, ныне Таин, и Божественныя Твоя и тайная общника бытии, и мене сподоби, Боже Спасе мой, зову Ти во мне пребуди, Спасе, и аз, якоже рекл еси, в Тебе, да будет воля Твоя, яко на небеси и земли и води свята силой благодати воли Твоей и в ми, Ти и я – едини ми, да будем, да будет так.
Господи, Боже мой, презри, и опали Огни Божия, студёно сердце мое оледеневша камени, да не опалишися мя приобщением огнь Бо ести недостойныя попаляяй, но убо очисти мя от всякии скверны и соедени и отверзи мудре очи уме мысления, сердце чисто созижди во мне.
Господи, Боже, и дух прав обнови во утробе моей. Трепещу, приемля огнь, да не опалюся яко воск и яко трава, оле страшного таинства! оле благоутробия Божия! Како Божественнаго Тела и Крове брение причащаюся и нетленен сотворяюся. Сеи сердце и дух примет благословение от Господа, и милостыню от Бога, Спаса моего, Божественное Тело и обожает мя и питает, обожает дух, ум же питает странно.
Господи, Боже, веем, яко несь достоин, ниже доволен, яко смирися и ныне смирению моему, да под кров внидеши храма души моея жити во мне, душею и телом да освящуся, да буду дом Твой, боготворящих благодатей убо есмь един с Тобою Светом трисолнечная в дыхании живота моего радования спасения миру, живущего Тя имея в себе с Отцем и Духом
Господи, Боже, Спасе, яко огнь буди ми, и яко Свет от Света, Бога истинна от Бога истинна, вразуми мя и благослови дух и душу и уме персты и телеса мои на брани, научи мя что мне глаголати и делати, Сам Владыко мною прави и глаголи и делаяи, да просвещуся, да спасуся, да буду дом Твой.
Спас мира. Спас Нерукотворный. Спас в Силах.
Христос воскресе! Господи, услыши молитву мою, и вопль мой к Тебе да приидет. Не отврати лица Твоего от менe; в oньже аще день скорблю, приклони ухо твое; в oньже аще день призову тя, скоро услыши мя. Христос воскресе, воистину воскресе!
Господи, Боже мой, душу мою обрати настави мя на стези правды имени ради Своего. И милость Твоя поженет мя вся дни живота моего, и еже вселити ми си в дом Господень, в долготу дний.
Господи, Боже мой, изми мя из произвола врагов моих, но ради имени Твоего святаго, Сам води и управляй мною.
Огради и благослови мя, Боже мой, Едино в Троице Пресвятой, есмь Бог Отец, Бог Сын, Бог Дух Святой, силою Честнаго и Животворящего Твоего Креста, Господи, Спасе, и сохрани мя от всякого зла.
Христос воскресе, воистину воскресе! Христос воскресе, смертью смерть поправ и сущем во гробех, живот даровав! Христос воскресе, воистину воскресе!…
После молитв казаки Христовы воины рвались в бой не думая о своей смерти, веря, что все будет по Воле Божьей. Сие пребывание казака в Боге просто. Бог в помощь в ратном деле казаков…